នារីម្នាក់ចូលកក់សក់រួចបន្លំលួចការបូបត្រូវម្ចាស់ផ្ទះចាប់ប្រគល់ឲ្យសមត្ថកិច្ច
13-August-2018 | ដោយ ពលមនសិការ
ភ្នំពេញ៖កាលពីថ្ងៃទី១២ ខែសីហា ឆ្នាំ២០១៨ វេលាម៉ោង ១៨ និង៣០នាទី កម្លាំងប៉ុស្តិ៍រដ្ឋបាលគោកឃ្លាង បានឃាត់ខ្លួនជនសង្ស័យ ករណីអំពើលួច (លួចយកកាបូប) នៅចំណុចក្នុងផ្ទះលេខ៣B បើកអ៊ុតសក់ និងលក់កាបូប ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ ។
លោកវរសេនីយ៍ទោ គួក សុខហ៊ួរ អធិការរងនគរបាលខណ្ឌសែនសុខបានឲ្យដឹងថាជនសង្ស័យឈ្មោះ ពឿន រស្មី ភេទស្រី អាយុ២០ឆ្នាំ មុខរបរមិនពិតប្រាកដ ជនជាតិខ្មែរ ស្នាក់នៅបន្ទប់ជួល ភូមិច្រេស សង្កាត់គោកឃ្លាង ខណ្ឌសែនសុខ មានសារធាតុញៀន។
ជនរងគ្រោះឈ្មោះ អ៊ុក ណារិន ភេទស្រី អាយុ៣៦ឆ្នាំ មុខរបរអ៊ុតសក់ ជនជាតិខ្មែរ ស្នាក់នៅផ្ទះលេខ៣B បើកអ៊ុតសក់ និងលក់កាបូប ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ។ វត្ថុតាងចាប់យក ៖ កាបូបស្ពាយស្រី ចំនួន០២ របស់ជនរងគ្រោះ ។
លោកអធិការរងបន្តថា មុនពេកើតហេតុ ជនសង្ស័យបានដើរចូលមកក្នុងផ្ទះរបស់ជនរងគ្រោះ ដើម្បីឲ្យជនរងគ្រោះកក់សក់ឲ្យ ក្រោយពីជនសង្ស័យកក់សក់រួច ជនសង្ស័យបានដើរទៅមើលកាបូបជនរងគ្រោះដាក់លក់ និងសួរពីតម្លៃកាបូប ពេលជនរងគ្រោះភ្លេចខ្លួន ជនសង្ស័យបានធ្វើសកម្មភាពលួចយកកាបូបរបស់ជនរងគ្រោះពីក្នុងទូរ រួចឡើងជិះម៉ូតូកង់បីឥណ្ឌា គេចខ្លួនបានចំងាយប្រហែល២០០ម៉ែត្រ ជនរងគ្រោះនិងប្តី បានជិះម៉ូតូដេញតាមឃាត់ខ្លួនជនសង្ស័យរួមទាំងវត្ថុតាងប្រគល់ឲ្យសមត្ថកិច្ចប៉ុស្តិ៍រដ្ឋបាលគោកឃ្លាង សាកសួររួចជនរងគ្រោះបានដាក់ពាក្យបណ្តឹងចោទប្រកាន់ជនសង្ស័យតែម្តង។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ5781
- ម្សិលមិញ16391
- សប្តាហ៍នេះ52011
- ខែនេះ167161
- ឆ្នាំនេះ167161
- សរុប20609617